Agencies, 21 September: Friday din international body laga top official pora kowah toh, besi sal bechide World Women’s Boxing Championshipstoh India de thakibole ase. Aro etu toh national capital de November 15 pora suru hobole ase koise. Team khan November 13 pora national capital de jama hobo lagibo. International Boxing Association (AIBA) pora PTI logode kowah toh, New Delhi de AIBA Women’s World Boxing Championships toh November 13-25 de suru hobole ase koise. Poila 2006 de etu tournament toh India de lowah thakise aro khel de sai-jaile India toh phal khel khela thakise. India pora medal de top lowah toh, four gold, three silver aro one bronze medal thakise. AIBA pora M C Mary Kom logode ‘Magnificent Mary’ koi-kena nickname de kena ase. Tai etu tournament de sixth world title nemide khelibole ase. Tai (Mary) goal medal jeti kena thaga toh, 2002, 2005, 2006, 2008 aro 2010 editions de jeta thakise. Official pora janaide kena thaga toh, AIBA Database pora AIBA Women’s World Boxing Championships laga registration toh October 5 last date ase koise. 2001 de suru howah last edition time de, (57kg) category de Sonia Lather pora India karni khali ekta silver medal jeta thakise. Women’s world championship laga first edition toh 2001 sal Unites States de lowah thakise. November 13 nahowah agae de, hesha thakibole sob desh khelari khan toh New Delhi de jama hobo lagibo. Bouts time de sob boxers logode nai-nai koilebe ekta AIBA certified coach thakibo lagibo. November 19 de quarterfinal stage howah bechide November 20 toh aram kora din thakibole ase.
Add Comment