NEW DELHI, NOVEMBER 5 : INS Arihant, India desh laga ahke Nuclear Ballistic Missile Submarine toh ahke “Deterrence Patrol” mana khotum huise. Etu karne Prime Minister Narendra Modi pora etu mana time te thaka INS Arihant laga Crew kan ke besi khushi baa kotha aro salam diya janaide thakise koise. Kele etu nesena bhal kam mana toh ami kan desh laga kahani te hutai yaat thakibole laga ase koi kena.
Etu Missile toh 6,000-tonne koi kena INS Arihant Missile ase. Aro etu missile banabole kura toh ekta Highly Classified Programme bitorte 30 sal nesena (3 decades) majutte banabole kura laga ase. Etubi Nuclear Command Authority koi kena PM Modi pora ahkete luijai kena manabole kura laga Direct Control bitorte. Aro etu Missile laga “Deterrence Patrol” manabole kura bhal te khotum kuridebole bara hisabte etu INS Arihant edia toh Underwater Ballistic Missile nemite pura-pura bhal te kam julabole karne bara laga ekta hobo koi kena janaise.
Etu INS Arihant mana khotum kuridebole bara pora edia toh India desh laga Nuclear chis majutte pani laga, mati laga aro akaas laga kan sob hisabte manibole bara laga huijai kena ase. Aro etu nesena Nuclear chis thaka kan toh US, Russia, France, China aro UK kan ase koise.
Etu INS Arihant bhal te manabole bara karne Defence Minister Nirmala Sitharaman, Home Minister Rajnath Singh aro tusera Union Ministers kan pora twitter te kotha lekhe kena khushi baa aro salam diya janaide thakise. Etubi Navy aro ami kan desh laga manu kan ke.
Add Comment