Hobart, November 2 — India captain Suryakumar Yadav toss win kori she, Australia logote third T20 International match te bowl first koribo elect korishe Hobart Bellerive Oval-te Saturday din. Series toh five match laga ase, aru etu match duita team karone bishi important ase upper hand loi jabole.
Last match te India bishi struggle korishe — pura team 125 run te out hoijabo karone. Abhishek Sharma bhal batting korishe 68 run marishe, kintu anya batsman jiman Shubman Gill, Sanju Samson aru Tilak Varma sab struggle korishe Australia laga strong bowling logote.
Etubar India bowl first koribo decide korishe karon early condition advant age loi kina Australia ke low score te rokhibole try koribo. Etu decision India laga batting upor pressure komai ase, target chase koribo more comfortable koribo karone ase.
Australia side te ekta setback ase — fast bowler Josh Hazlewood series laga baki match te nabajibo, karon tai upcoming Ashes karone prepare kori ase. Last match te Hazlewood important 3 wicket loi kina India laga batting break korishe, aru etu time te tai nathaka Australia bowling-ke effect koribo pare.
Hobart laga pitch bhal bounce aru carry dikhai, fast bowler ke early advantage dibo pare. Weather bhi cool ase, juntu swing bowler karone helpful hobo pare, tai toss decision bishi important hoi jaishe. Series toh equal level te ase, duita team bhi full try koribo ekjon upor loi jabole. India laga young player manu upor te hope ase, jate strong performance dibo pare, aru Australia bhi nijor home-ground-te dominate koribo try koribo. Fans-karone ekta exciting match wait kori ase Hobart-te.
Add Comment