Mumbai, 3 November : Indian mahila cricket team South Africa ke 52 run te harai kene Navi Mumbai te kali rati te laga pahla ICC Mahila ODI World Cup jitise. Deepti Sharma aru Shafali Verma duijon bat aru ball duita te bhal performance dikhai kene India ke ekta tough match te jeet help korise, kuntu te South Africa toss jiti kene bowling choose korise.
299 run chase kori thaka South Africa ekta time te bhal position te thakise, kintu Deepti Sharma laga ekta breakthrough te pura game palti jaise. Annerie Dercksen ke out korar pichete Proteas 209 for 5 para 246 all out tak collapse hoi jaise. Deepti Sharma India laga taraf te match ulta disey, aru 9.3 over te 39 run te 5 wicket loi disey, kuntu te South Africa captain Laura Wolvaardt laga wicket bhi include ase.
Shafali Verma bhi life laga memorable performance disey — India laga total 298 for 7 te 87 run score korise aru pichete bowling te dui important wicket loi kene Proteas mahila team ke 246 tak rokai disey. Shafali ke “Player of the Match” declare korise, aru Deepti Sharma ke “Player of the Tournament” award disey.
Jeetiba Indian team ke 37.3 crore rupees laga prize money disey, kuntu agey bar te tulana kori le 239 percent besi ase. Tournament laga success aru India laga championship win te mahila cricket laga popularity aru growth potential India aru international level duita te dangor boost disey.
President Droupadi Murmu aru Prime Minister Narendra Modi duijon bhi Team India ke congratulate korise, ICC Mahila Cricket World Cup 2025 final te laga dangor victory karone.
President laga social media post te koisey, “itu ekta historical moment ase kuntu mahila cricket ke aru dangor performance te loi jabole help koribo.” Tai players laga determination aru inspiring performance ke praise korise, aru koisey — “itu girls khan India ke proud feel korai disey.”
Prime Minister Modi laga message te tai koisey, “itu ekta spectacular victory ase kuntu future champions khan ke sports te inspire koribo.” Tai aru koisey ki final te laga performance te skill aru confidence dui eta dikhai disey, aru pura tournament te team khan laga teamwork aru tenacity exceptional thakise.
Lok Sabha Speaker Om Birla bhi congratulate korise, koisey — “mahila cricketers khan pura desh laga mon jeeti loi disey.”
Union Home Minister Amit Shah bhi team ke congratulate kori koisey — “itu nation karone ekta crowning moment ase.” Tai aru koisey — “Team India India laga pride ke akash tak loi jaise.”
Add Comment