December 7, 2025: Maiki khan laga 10m air pistol competition teh. Suruchi Singh Phogat gold medal paisha. ISSF World Cup Final, Doha, Saturday teh. Etu laga opor teh. Sainyam Vij para silver medal toh paisha. Etu season final teh India 1-2 durei bole parisha.
Suruchi toh 19 sal ase koisha. Tai bishi kara manu khan logo teh khili sha. Olympic medallist Manu Bhaker, Paris Olympic champion Oh Ye-jin, Tokyo Olympics champion Jiang Ranxian aro dunia laga number one Yao Qianxun khan logo teh khilisha.
Suruchi laga baba para koisha ki. Suruchi toh etu sal gold pai ge na etu sal khotom kuribo koisha. Aro tai etu toh he kurisha. Tai World championship laga final teh harei jaisha. Hoilebe tai mun naharei ge na tai laga first ISSF World Cup jitesha. Saturday teh Suruchi 586 points paisha. Qualification round teh sob se bishi points paisha tai. Tai second round teh toh tai fourth teh thakisha. Aro Sainyam tai laga opor teh thakisha 2.1 points para. Fist elimination round poiche teh toh tai second teh punchi jai sha. Aro Sainyam toh first teh thakisha 2.7 points para. Hoile be last round phane. Suruchi bhal para guli mari ge na. Fist teh punchi jai sha. Aro Sainyam second teh jaisha.
Add Comment