India harai dishe New Zealand ke 4–2 para, Winning streak toh continue kuri ase

Malaysia, October 12 – India laga junior men hockey team ekta dangor jeet loi ase, taikhan New Zealand ke 4–2 para harai dishe Sultan Johor Cup 2025 match te, Johor Bahru, Malaysia te. Etu jeet India laga dusra consecutive win ase, pichli match te bhi taikhan defending champion Great Britain ke 3–2 para harai thakishe. Match shuru para India bhal attack kori thakishe, ball control aru pressure rakhi thakishe. Arshdeep Singh age goal marishe aru India ke lead dishe. PB Sunil bhi ekta dangor goal marishe aru score 2–0 korishe. New Zealand ke captain Gus Nelson ekta goal marishe aru difference komai dishe, kintu India laga forward line arubhi  dominate kori thakishe. Araijeet Singh Hundal aru Roshan Kujur bhi ekta goal marishe, aru India ke ekta strong lead dishe last quarter te. Match last part te Aiden Bax New Zealand para ekta goal marishe aru India ekjon player kom hoijai thakishe, kintu team discipline aru control rakhi kina jeet confirm korishe. India laga team defense aru attack duita side te balanced dekhai dishe. Coach khan bhi taikhan laga performance ke praise kori thakishe, specially pressure time te structure maintain kori thaka karone. Dusra match te Pakistan host Malaysia ke 7–2 para harai dishe, aru next match te ekta exciting India vs Pakistan clash ahibo. India duita match jeeti loishe, aru knockout stage jabo nischit dekhai ase. Etu form te India Sultan Johor Cup 2025 laga dangor contender ase.