India harise England logode

Agencies, 11 September: Tuesday din India toh England logode final test de harise. India laga khelari KL Rahul aro Rishabh Pant pora ektum phal run lowah bechide England toh 118 runs pora jeta thakise. Suru time de India toh jetibo nesana suru howah thakise. Hoilebe tai khan last de na-para hoija thakise. India khan 464 target kora de 345 runs pora kothom howah thakise. Etu time de England toh 4-1 margin pora jeti lowah thakise. Rahul (149 off 224 balls) aro Pant (114 off 146 balls) toh ektum phal pora keli thaga karni India toh jetibole biswas kori thakise. Hoilebe ketya Adil Rashid (2/63 in 15 overs) out hoise etu time de tai khan laga biswas hariyaa thakise. Ketya 204-run sixth wicket de thakise etu time de India toh draw koribole kosish kora thakise. Hoilebe tai khan laga etu plan toh na-para thakise. England laga bowlers pora 2 runs karni Shikhar Dhawan (1), Cheteshwar Pujara (0) aro  skipper Virat Kohli (0) logode out kora thakise.   Rahul pora 17 fours aro ekta six mari kena century bona thakise. Tai ke Rahane pora support kori thakise. Hoilebe Rahane toh fifty run pora out howah thakise. Etu agae fourth day de, England laga opener Alastair Cook (147) aro Joe Root (125) meli-kena century mara thakise. Etu tuita pora India laga bowling de 259-run bonai kena dekthari deya thakise.