India hockey team jetise New Zealand logode

Agencies, 07 October: Sunday din Johor Cup laga eight Sultan deh Indian junior men’s hockey team pora Ner Zealand logode 7-1 pora jetise. Tournament laga opening day time deh, India toh host Malaysia logode ektum dukh kori kena 2-1 pora jeta thakise. India karni Prabhjot Singh (6th minute), Shilanand Lakra (15th, 43rd), Harmanjit Singh (21st), Mohd Faraz (23rd), Abhishek (50th) aro captain Mandeep Mor (60th) pora goal thala thakise. New Zealand’s laga ekta goal toh Sam Hiha pora 53 minute de thala thakise. Jowah sal bronze medallist India toh New Zealand logode khela hamla kori kena suru howah thakise. Etu time deh Prabhjot’s f pora sixth minute de goal thala karni India jetibole para thakise.  New Zealand khan goal thalibo karni ektum kosish kora thakise. Hoilebe India laga defence pora olob be chance nadiya thakise. Indian goalkeeper Pankaj Rajak be phal khela thakise. Tai New Zealand pora mara olob bachaideya thakise. Indian forwards khan laga force toh jai thakise. Tai khan 21^st aro 23^rd minutes de par-par goal thalibole para toh Harmanjit’s field strike aro Mohd Faraz’s penalty corner pora thakise. India khan 43^rd minute deh aro goal thalibole para toh Lankra karni thakise. Abhishek’s laga 50th minute goal time deh India 6-0 hoija thakise. Etu bechide New Zealand’s laga ekala goal toh Sam Hiha pora tin-minute bechide thala thakise. Captain Mandeep be score sheet de naam register hoise. October 9 deh India toh next Japan logode khelbole ase.