India, 31 May : Boxing Federation of India (BFI) toh Friday dey suspended IBA logot para alag huishey aro breakaway World Boxing logot join kurishey, itu sport laga Olympic future ke threat kuria ke counter kuriboley ekta bid dey. International Olympic Committee para 2028 Los Angeles Olympics dey para Boxing chari diwoley threat reiterate kurishey juti national federations para taikhan nijor ke International Boxing Association (IBA) logot align kuriley, kuina itu move kunwa maahina piche dey ahishey.
World Boxing, kun laga president toh former IBA presidential candidate Boris van der Vorst asey, April 2023 dey launch kurishey aro ensure kuriboley aim kuri asey ki itu boxing toh Olympic movement laga heart dey thakibo.
Itu membership application ke BFI laga General Assembly para approve kurishey aro World Boxing laga Executive Board para ratify kuribo.
May 7 dey, WB para IOC logot agey formal meeting luishey kuntu para itu tuita organisations maju dey ekta formal collaboration shuru hua signal kurishey kuntu Olympic Games dey boxing thakiboley ekta raasta panawoley aim asey.
International Olympic Committee (IOC) para 2019 dey IBA ke de-recognised kurisheu, long-standing financial, sports integrity, aro governance issues karoney.
2024 Paris Olympics dey Boxing toh IOC para oversee kuriboley asey.
Tokyo Olympics piche dey itu second successive time huwo ki, IBA toh itu mega-event laga bouts dey eku involvement nathakibo.
Add Comment