India: Itya dak 45.55 crore Covid vaccine doses thikena ase

July 30, 2021. India te itya dak sob melaikena COVID-19 vaccine doses deya toh 45.55 crores oper hoikena ase, koikena Thursday din Union Health Ministry laga khobor hesab para janaishe. Thursday din te be komti hoilebi 47 lakh vaccine doses thishe, etu khobor toh provisional report 7 pm dak te janaishe. Ministry para koishe ke, first jabs te 22,83,018 vaccine doses thikena ase aro 2^nd jabs toh 4,34,990 neshina 18-44 umer manuh logot Thursday din thishe koishe. Sob melaikena 18-44 umer manuh states aro Union Territories pura te 14,66,22,393 te 1^st dose thikena ase aro 76,51,261 logot 2^nd dose thikena ase, etu phase 3 vaccination drive soruh howa beche ase koishe. Madhya Pradesh, Gujarat, Rajasthan, Maharashtra aro Uttar Pradesh te 18-44  umer group manuh logot COVID-19 vaccine toh 1 crore oper thikena ase. Etu oper te Andhra Pradesh, Assam, Chhattisgarh, Delhi, Haryana, Jharkhand, Kerala, Telangana, Himachal Pradesh, Odisha, Punjab, Uttarakhand & West Bengal te be 18-44 umer manuh ke 10 lakh neshina logot vaccine toh thikena ase, koikena ministry para janaishe. Vaccination drive soruh hoikena 195 din samai, 46,52,914 vaccine doses thikena ase. Ministry para koishe ke 30,83,757 manuh ke 1^st dose thikena ase aro 15,69,157 manuh ke 2^nd dose thikena ase, etu khobor toh provisional report hesab te janaishe. Final report toh rathi te kotom hobo ase, koikena Health Ministry para koishe. Etu vaccination kam toh sobse tangor kam ase ke etu para desh te bemari thaka khan ke COVID-19 bemari para pachabo koishe.