India jetise Austrailia logote

AGENICIES,NOVEMBER 25:Sydney Cricket Ground (SCG)  te huwa third aro final T20I match te India khan bhal pora khelikena   Australia ke  six wicket pora haraidikena  Etu series toh 1-1 pora draw kuridishe . Virat Kohli pora Half century marikena India khan ke 165 laga target ke paar kuridishe .Etu nohoa akhe te India openers Rohit Sharma (23 off 16 balls) aro Shikhar Dhawan (41 off 22 balls) pora milikena 67 run  partnership kurishe  .Kohli laga  41-ball knock aro tai laga  60-run unbeaten partnership Dinesh Karthik (22 not out off 18 balls) logote India khan ke jitaidishe  .Etu bi  December 6 pora hobole thaka  four-match Test series, shuru nohoa akhe .Olop akhe te Krunal Pandya laga career-best figures4/36 pora Australia khan ke  20 overs te  164/6 hi bonaishe.Australia pora opening T20I toh 4 runs pora jetishe aro dusra khel te paani girishe .Etu pora India khan pressure te thakishe    six T20 series jitikena thaka khan ke .India khan laga run chase te Dhawan aro Rohit pora 50 runs halishe 28 balls te . Mitchell Starc (1/26)  pora sixth over te breakthrough kurishe Dhawan ke lbw te out kuridikena  DRS referral chulaikena  .Australia khan pora tai khan laga line up te ekta bodli kurishe  .Etu toh  Mitchell Starc khan ahise  Jason Behrendorff  laga bodli .Hoilebi India khan bodli kuranai  .Australia khan wickets khan jai thakishe aro tai khan ahibole paranai tai khan laga innings laga second half te .