Agencies, 10 September: Sunday din Bangabandhu jaga de India aro Maldives khela de India pora jeta thakise. India pora Maldives logode 2-0 pora jeta thakise. Etu pora SAAF laga Group B de India 6 points pora top position de ase. India pora goal toh 36 minute de thali-kena suru howah thakise. Etu goal toh Nikhil Poojari pora thali kena suru howa thakise. Goal thali kena 8 minute howah bechide India pora arobe ekta goal thala thakise. Etu goal toh Manvir Singh pora thala thakise. Maldives phalli pora goal toh kundu khelari pora be thalibole na-para thakise. Etu agae debe India toh jeti kena thakise. Tai khan Sri Lanka logode khela de 2-0 score pora jeta thakise. Aro Maldives khan Sri Lanka logode khela de 0-0 pora draw hoi-kena thakise. India toh next Pakistan logode khelibole ase aro Maldives toh Nepal logode khelibole ase.
Add Comment