Agencies, 25 October: Dragflicker Harmanpreet Singh pora hat-trick mara karni defending champions India toh South Korea 4-1score pora jetise. Etu pora India toh Wednesday din Muscat jaga deh Asian Champions Trophy (ACT) laga semi-final deh kushise. Ektum phal pora etu jeta karni India toh five games laga deh 13 points pora top deh ase. India aro Malaysia be tournament laga last four stage deh qualified howahbe hoise. Malaysian deh game toh bachi kena ase aro tai khan Pakistan logode Thursday deh khelibole ase. India nemide Harmanpreet pora 4th, 47th aro 59th minutes deh goal thala thakise. Aro tusara goal India karni Gurjant Singh Singh pora 10 minute time deh thala thakise. Etu pora India 4-1 score pora jeta laga ase. South Korea nemide Lee Seungil pora 20th minute time deh goal thalise. Final semi-final line-up toh Thursday din last round robin matches lowah bechide hobole ase. Etu agae deh India pora host Oman logode 11-0 pora jeta thakise. Last two match time deh India pora Asian Games gold medalist Japan logode 9-0 pora jeta thakise aro Malaysia logode 0-0 pora draw howah thakise.
April 26, 2026
World's First and Only Nagamese Newspaper
Add Comment