India kan Chess Olympiad deh ekta historic gold pabo leh rasta deh ase

September 22, 2024: India kan ekta nahoileh tuita gold medal jiti bole rasta deh ase, 45^th Chess Olympiad laka final round nahua time deh. Dominant Indian men’s team kan ekta star-studded USA laka upor deh jiti nah wapas ahi shae aro women’s team para tournament laka 10^th aro penultimate round deh China keh harai di shae, finale deh punchi bole. Ekta round bachi nah, men’s laka team tho 20 points para 19 points duri nah ase aro lead deh ase. Taikan laka thik pichae deh Slovenia kana se. Miake laka team kan tho 17 points dui nah ase, Kazakhstan lokot deh. Taikan itia Azerbaijan laka against ekta must-win match face kuri ase. Maths laka ispa deh, Indian mota kan tho ekta win para gold jiti bole bhal jaka deh ase, hoile b hari leh tho Tiebreaker deh ani bo pareh, kuteh game kan complicated hui jai. India jiti shae koile tho, etu tho taikan laka first gold taki bo, Olympiad deh. Last time tho taikan online Olympiad lua time deh gold jiti shae. Taikan laka best performances agae deh tho bronzes kan taki shae, kuto taikan 2022 sal aro 2014 sal deh jiti shae. Etu team event deh consistent run, kuto para open section deh gold medal tho confirm kuri nah ase, etu para India chess laka progress tho dikai deh.