Vishakhapatnam, 10 October : ICC Women’s Cricket World Cup te, India laga team kali rati tournament te first defeat paise, South Africa ekta dangor fight marikena chase complete korise Dr. Y.S. Rajasekhara Reddy ACA-VDCA Cricket Stadium, Visakhapatnam te.
Home side India laga target 252 run chase korI jaise, Nadine de Klerk laga unbeaten 84-run innings te South Africa ke jeet bisaribo help korise. Ek time te South Africa 81 for 5 thakise, kintu skipper Laura Wolvaardt aru Chloe Tryon laga partnership te Women in Green laga hope wapas ahi jaise.
Pichete Nadine de Klerk ahi, baki kaam complete kori dise aru Player of the Match award paise tai laga match-winning innings karone. India laga side te Kranti Gaud aru Sneh Rana duita wicket dhorise. Home team India next match te Australia logot kheli bole ase Vizag te Sunday din.
Aru aji match te, New Zealand aru Bangladesh mukabla koribo Barsapara Cricket Stadium, Guwahati, Assam te. Match 3 PM te shuru hobo.
Add Comment