New Delhi: International Hockey Federation (FIH) khan pora India khan 2023 FIH Hockey Men’s World Cup host kuribole karne janai dise aro Spain aro Netherlands pora 2022 FIH Hockey Women’s World Cup karne joint-probosal chitise.
India khan etya duita consecutive Men’s World Cups host kuribole pohila nation hoise. 2023 Hockey Men’s World Cup toh January 13 pora January 29 tak dhakibole ase.
“FIH pora etu event host kuribole karne ektam phal proposal paise. Etu pora chunibole karne ektam tan dhakise. FIH laga pohila mission toh bura duniya te sport behlabole karne ase – aro etu karne toh investments toh kuribole lage- sob proposal laga income-generation potential pora faisla kuribole karne ektam tangor role loise,” FIH CEO Thierry Weil pora media te koise. Hockey Insider laga khobor te koiseki India laga proposal toh ektam tangor wala dhakise aro bishi hockey nations khan etu ke milibole pariya nai. Aro Australia, Germany, aro Spain khan pora Men’s World Cup host kuribole karne tangor interest dekhaise, India laga proposal pora tai khan ke contest te pora olai dise kintoh tai khan India laga finance ke bonjibole pariya nai. Spain pora last te Women’s World Cup host kuribole karne Netherlands logot te propose kurise, aro tai khan karne phal faisla dhakise.
India khan pora FIH khan ke propose kuriya te Men’s World Cup te prfit karne amount 3.5 million Swiss Francs wada kurise, Hockey Insider laga hesab te.
Add Comment