Agencies, 17 October: Thursday din Muscat jaga deh Indian men’s hockey team toh host Oman logode Asian Champions Trophy laga suru match khelibole ase. Jakarta deh khela time deh Indian team toh gold jetibole kosish kora thakise. Hoilebe tai khan Malaysia logode semifinals deh hari kena bronze lowah thakise. 2014 Asian Games time deh India pora Oman logode 7-0 pora jeta thakise aro coach Harendra Singh toh Host logode khela pora tusara matches nemide test hobole ase koi-kena biswas kori ase. Tournament deh India toh defending champion karni jabole ase. Tai khan the 2016 edition time deh Pakistan logode 3-2 pora jeta thakise. Oman logode first match khela bechide India toh Pakistan (October 20), Malaysia (October 23) aro South Korea (October 24) logode khelibole ase.
April 26, 2026
World's First and Only Nagamese Newspaper
Add Comment