Singapore, 13 December : India laga D Gukesh Thursday din itihas likhishe, chess laga youngest World Champion hobo para, jun te tai Ding Liren (China) ke 14-game laga match te harai dise.
18 bosor laga Chennai para ahibo Gukesh Ding laga ekta dangor blunder utilize korikina winner-takes-all 14th game te jeet pai, match ke 7.5-6.5 nimite jitise, aru World Chess Champion hobo para dusra Indian banise.
Ding ke harai dise, Gukesh chess laga century-long itihas te 18th World Champion banise aru youngest champion bhi, jun te tai Garry Kasparov laga 22 bosor te World Champion banibo laga record todise, aru chess laga noutun “king” ahibole signal dise.
Gukesh dusra Indian ase juntu World Chess Championship title jitise, aru Viswanathan Anand laga pachhite, jun 2013 te Magnus Carlsen ke Chennai te title harai dise. Carlsen 2023 te title chhari dise, jun te Ding ke Ian Nepomniachtchi ke harabo laga rasta khuli dise.
14th aru final game, jun winner-takes-all thaikise, Ding ekta draw position te loi jabole kotha thaikise Zukertort Opening laga Reversed Grunfeld variation para. Kintu 32 bosor laga Ding ekta blunder kore dishe, jun te rook-pawn ending te bishop pin hoijai dise.
13 games aru 3 weeks laga intense match piche, Ding rapid aru blitz tiebreakers nimite tayar thaikise, kintu itu blunder laga karone final game tai hare dise.
Tai itna unexpected thaikise ki Gukesh agote etu dekhi nohoi, kintu piche tai paus lobi chair para uttise, rook aru bishop exchange korise, aru Ding 58 moves te resign koribo majboor hoijai dise.
Etu jeet karone, Gukesh $1.35 million (approx Rs 11.45 crore) prize money paise, aru Ding Liren $1.15 million (approx Rs 9.75 crore) paise total $2.5 million prize fund para.
$1.35 million te para, Gukesh $600,000 (approx Rs 5.07 crore) outright paise tai tinita games jiti lo karone. Ding, duita games jitikina, $400,000 (approx Rs 3.38 crore) paise.
Etu jeet sirf financial benefit na hoi, kintu Gukesh laga naam chess laga itihas te likhi dise. Garry Kasparov laga youngest champion record todibo para aru chess laga duniya te ekta noutun era shuru korise.
India, jun Viswanathan Anand para global chess te dangor naam banai dise, abole Gukesh nimite ekta noutun hope aru inspiration dikhise, aru future te aur bhi bhal performance nimi asha rakha jabo.
Add Comment