New Delhi, 22 January : 98th Academy Awards laga Oscar nominations Thursday bhorot ghoshona howa loge sob nazar India laga Homebound uporte ase. Kintu dukh laga kotha hoise ki Neeraj Ghaywan laga itu film Best International Feature category laga final 5 films list te jagah pabole parinai.
Itu category te — juntu age Best Foreign Language Film kuina koishey — etiya tak matro tinta Indian films he nomination paisey: Mother India (1957), Salaam Bombay! (1988) aru Lagaan (2001).
Itu category te nomination paise thaka films khan hoise:
• Brazil – The Secret Agent
• France – It Was Just an Accident
• Norway – Sentimental Value
• Spain – Sirât
• Tunisia – The Voice of Hind Rajab
Homebound childhood friends Shoaib (Ishaan Khatter) aru Chandan (Vishal Jethwa) laga story dikhai, juntu khan laga police force join koribo dream tai khan laga jibon shape kori dise. Janhvi Kapoor itu film te emotional depth add kori dise, jitia story friendship, duty aru young India uporte thaka pressure khan ke center kori ase.
Film November 21 te Netflix te grand bhabe release hoise aru film festivals aru award shows te bhal-bhal accolades pai ase. Oscars 2026 karone India laga contender Homebound Karan Johar, Adar Poonawalla, Apoorva Mehta aru Somen Mishra produce kori ase. Film ke Marijke deSouza aru Melita Toscan Du Plantier co-produce kori ase, aru Martin Scorsese aru Pravin Khairnar Executive Producers hisab te thakise. Itu film Oscar shortlist laga 15 films bhitor te bhi include hoise.
98th Academy Awards March 16 te anusthit hobo.
Add Comment