India laga economy nami thaga majode factory production toh eight sal deh sobse komti level deh namise. Sob broad-based sectors laga capital goods production, consumer durables, aro infrastructure aro construction goods contract korise.
Index of Industrial Production (IIP) toh September deh 4.3 percent para namise. Etu agae moina August 2019 laga ke saijaile 1.4 percent thakise aro jowah sal eki moina laga ke saijaile factory production toh 4.6 percent namise. Etu khobor toh Monday din Ministry of Statistics para data dekhaideya hisaab deh janaideya laga ase.
Etu agae October 2011 deh IIP toh sobse komti level 5 percent deh nama thakise.
Quarterly basis deh 2019-20 fiscal (July-September laga second quarter deh IIP toh 0.4 per cent para contract kora dekhise.
September 2019 deh, capital goods production toh agae sal laga para 20.7 percent deh namise aro etu samai deh consumer durables be 9.9 percent deh namise. Infrastructure aro construction goods production be 6.4 percent deh namise. Intermediate goods ekala use-based classification thakise September deh 7 percent para dangor howah.
September deh IIP contract para economic growth joldi recovery hobo nemide forecast kora olob komchor korise. Etu sal April-June quarter deh economic toh six sal deh sobse komti 5 percent para nama thakise.
July-September nemide Gross Domestic Product (GDP) data toh November 29 direk deh debole ase.
Low agricultural growth para rural areas deh low agricultural aro non-agricultural wage growth deh feed kori ase. Etu para rural demand deh dekthari pai ase. Etiya biswaas kori thaga toh December deh interest rate katibole biswaas kori ase.
April to September time deh IIP growth toh 1.3 percent deh thakise aro jowah sal eki moina laga ke saijaile 5.2 percent deh thakise.
Asti para nama toh manufacturing sector deh dekhise. September deh 3.9 percent para nama thakise aro agae sal laga ke saijaile 4.8 percent deh thakise.
September deh power generation sector production toh 2.6 percent deh namise aro agae sal laga ke saijaile 8.2 percent deh otha thakise.
Mining production be September deh 8.5 percent para namise aro agae sal eki moina laga ke saijaile 0.1 percent othise.
Capital goods production toh investment laga barometer ase aro etu toh September deh 20.7 percent para nama thakise. Etu agae sal eki moina deh capital goods production toh 6.9 percent deh otha thakise.
Consumer durables aro consumer non-durables (-) 9.9 per cent aro (-) 0.4 per cent growth record hoise.
Industries terms deh, manufacturing sector deh 23 industry groups laga deh 17 toh negative growth deh dekhise. Etu toh agae sal eki moina laga ke saijai kena ase.
Industry group ‘manufacture, motor vehicles, trailers aro semi-trailers’ toh (-) 24.8 per cent negative growth dekhise. Etu bechide furniture deh 23.6 percent aro fabricated metal products, except machinery aro equipment deh 22.0 percent dekhise.
Add Comment