Sports

India Laga Loitongbam Ashalata Devi AFC Player Of The Year Karne Chunise

November 16, 2019
47 Views

New Delhi: India laga Loitongbam Ashalata Devi ke Asian Football Confederation (AFC) laga Player of the Year karne women’s category te chunise. Friday te olai diya laga AFC Annual awards nominees list te, enika janai dise ki Ashalata pora etu  honour pabole karne China’s Li Ying aro Japan’s Saki Kumagai logot te compete kuribo.

Ashalata pora  Indian team khan ke 2020 Olympic qualifiers laga second round aro 2019 SAFF Championship title te loi jaa laga kamiyab howa sal biche te chunise. Tai toh Indian Women’s League chitya laga Sethu FC te integral part dhakise.

Ashalata ke olap ake te All India Football Federation’s (AIFF) Women’s Player of the Year karne 2018/19 season te chunise.

Li toh 2018 Women’s Asian Cup laga top scorer dhakise tai laga goals pora China khan ke FIFA Women’s World Cup laga  Round 16 te bonjai dise. Japan captain Kumagai pora tai laga team khan ke World Cup laga Round 16 te bonjai dibole modot kurise aro UEFA Women’s Champions League te tai khan laga fourth time chitiya Lyon side laga integral part ase. Tai ke BBC World Women’s Football of the Year award karne bhi chuni kena ase.

“Moi karne etu toh sobna hosa howa nishena ase. Tangor hoi kena jaa somoi te enika ucha hobole te biswas hi nai  hoile bhi moi ektam khushi ase ki etu sal te moi laga mehnat pora moi ke continental level te janiya karne,” tai pora koise.

Tai pora aro koise, “Moi pora moi khan laga  coaches Maymol Rocky aro Chaoba Devi duijun ke moi ke etu bura sal dhik rasta te koi jai kena mon tangor kuri diya karne ektam khushi pai ase. Aro etu laga nam toh teammates khan ke di ase. Itai khan ke sob match te lead kuri kena jaa toh ektam phal somoy dhakise.”

Head coach Maymol Rocky pora etu honour karne  Ashalata ke khushi janai dise tai pora likhise, “tai etu baa toh dhik baa ase aro etu toh tai nijor pora bura sal te mehnat kuriya laga phal jawab ase. Tai karne moi ektam khushi pai ase aro bura team karne bhi, continental level te nomination bonja karne.”

Final award ceremony toh  Hong Kong Convention aro Exhibition Centre te December 2 te dhakibole ase.