Cannes, 3 March : Indian Grandmaster Pa Iniyan Cannes International Open te jiti luisey, Cannes, France te last ninth round te compatriot V Pranesh ke harai kina.
Iniyan itu chess tournament 7.5 points te khotom korise, aru itu te Delhi-based International Master Aradhya Garg pora half point besi thakibole karone, Garg second place te ahise.
Garg laga same seven points te thaka reigning World junior champion Kazybek Noderbek (Kazakhstan pora) tiebreak nisina hoi third place te thakibole laga hoisey.
Iniyan pura tournament te ekbarbi haranae, total six game jitise aru three game draw korise.
Tai last three round te bishi bhal performance dikhai kina ekta picheta ekta game jitise, aru sabse dangor jitah to penultimate round te Garg upor jitibole parise.
Itu result karone Iniyan 12 rating points gain korise, aru ekhon 2600 Elo barrier najik pohchise, tai laga rating ekhon 2579 tak jaise.
Itu 38th edition laga open tournament Sunday te khotom hoi jaisey, aru total 147 players pora 25 desh pora ahi kina part luisey. Itu event te 6 Grandmasters aru 21 International Masters part luisey.
Add Comment