Agencies, 22 April: President of United States Joe Biden para tui-din summit host kora laga suru din te PM Modi para kotha korise. Climate crises te summit toh April 22-23, 2021 te virtual mode te lobo.
US President Biden para 40 world leaders ke invite kora te Russian President Vladimir Putin, PM Modi, aro Chinese President Xi Jinping be melikena ase virtual summit te nemite.
Ministry of External Affairs hisab te, global leaders para kenaka duniya para climate action anibo aro kenaka economic development melabo etu opor te kotha koribo aro etu saat national circumstances aro sustainable development priorities te samaan korikena.
Prime Minister Modi para climate summit te kotha kora samai humanity toh etiya global right te fight kori ase aro event para climate change naharabole laga khatara yaat korideya laga ase koise aro etu toh duniya te millions majote nemite lived reality ase koise.
‘India-US Climate & Clean Energy Agenda 2030 Partnership’
Prime Minister Modi para summit te kotha kora samai, President Biden logote ‘India-US Climate & Clean Energy Agenda 2030 Partnership’ suru koribole ase koise. Tai para be etu para mobilising investments, enable green collaborations aro demonstrate clean technologies te motob pabo koise.
Leader khan etu tui din te global climate action te kotha koribole ase koikena Prime Minister Modi para India laga per capital carbon footprint toh global average para 60% komti ase koise. Etu toh India laga lifestyle toh etiya be sustainable traditional practices te thaka nemite ase koise.
Add Comment