India laga sobsey aamir actor Shah Rukh Khan tu sobsey amir actor asey

New Delhi, June 18 : Bisi saal para, India laga cinema te Bollywood tu ekta cornerstone hoikina khara thakisey, India laga hindi bhasa kotha kora manu khan laga mon ke akarshit kurikina. Etu para manu khan bisi bhak enaka bhabna korey ki India te Bollywood actor khan sobsey bisi poisa pai. Hoilebi, juwa olop saal para Baahubali, RRR, Pushpa aro Arjun Reddy nisna film laga kamyabi para script ke pura flip kuridisey.  Juwa olop saal para, South Indian cinema tu desh bhor para tariff pai asey. Aro taikhan laga mon chuidiya kahani aro high energy aro high power film para audience khan laga mon jitikina ahi asey. Etu film khan para India te bisi mashoor hoikina, South Indian actor khan ke bollywood industry te sobsey bisi kamayi kora manu khan majotey naam kamabole laga rasta khulidisey.  Hosa kobo koiley, bollywood te top 10  sobsey bisi poisa kama Indian actor majotey bisi bhak actor tu South Indian film industries para asey.  Forbes para IMDb data cholaikina, olop din ageyte hey top 10 highest poisa pay kora Indian actor laga list reveal kurisey. Kuntu te Bollywood aro South Indian cinema para talent laga ekta mixture dikhaisey. Etu top 10 list te, Shah Rukh Khan tu top 1 te asey(matlab tai sobsey bisi pay pa actor asey), tai picheyte Salman Khan asey aro Salman picheyte Aamir Khan, Allu Arjun, Akshay Kumar aro Rajnikanth asey. Shah Rukh Khan laga film khan bi flop toh hoisey hoilebi tailaga recent film Jawan aro Pathaan duita bi duniyabhor te Rs 2000 crore paar kurikina kamyabi hasil kora para taikey sobsey bisi poisa kama actor laga list te top 1 te wapas loijaisey. Liabilities(dusra k poisa terabole thaka) tu subtract kurikina saal te tailaga total kamayi Rs 6300 crore asey.