Tianjin, 9 February : India Asian Indoor Athletics Championships te China laga Tianjin te itu campaign wrap up korise, total 5 medal loi aru overall medal standings te 6th position secure korise. Tejaswin Shankar India laga sob pora standout performance dise, kelemane tai Men’s heptathlon event te jiti paise aru championships te desh laga ekmatro gold medal loi ahise kali.
Event te, Shankar total 5,993 points collect kori ekta new national indoor record set korise, jun tai laga agey record 5,650 points 2021 te United States te set kora ke surpass korise. Final day te India aru 3 medal add korise, Pooja high jump te silver medal paise, Tajinderpal Singh Toor shot put te silver medal claim korise, aru Ancy Sojan long jump te bronze medal secure korise.
Host nation China championships te pura dominate korise, total 34 medal loi standings te top te thaka ase, jate 10 gold, 11 silver aru 13 bronze medal ase.
Add Comment