Eugene, August 12, 2026: National senior record holder high jumper Pooja Singh toh manu khan laga expectation punchi bole pare nai, finals te tai khali seventh te punchi bole pare she.
Aro India laga World Athletics U20 Championships campaign toh khotom hoi jai she tintal medals khali pai kena.
19 sal Pooja toh khali 1.84m clear kure bole pare she, kunto tai laga national senior record height ke be beshe komti ase, 1.93m laga. Tai tin bar try kure she hoile be 1.87m laga opor jabole pare nai.
Australia laga Izobelle Louison Roe toh gold jete bole pare she, 1.92m laga ucha jump kure kena, aro Hungary laga Lilianna Batori toh silver medal pai she aro Spain laga Aitana Alonso toh bronze pai she.
May te, Pooja toh gold jete bole pare she Asian U20 Athletics Championships te, senior national record height te para, 1.93m uja jump kure kena.
