India laka doctors kan one day strike tho kotom kuri di shae

August 18, 2024: Indian hospitals deh taka junior doctors kan bishi Sunday din kam para off taki shae. Taikan ekta colleague karne swift justice mangi taki shae, kun keh rape aro murder kuri di shae. Country laka sobse dangor doctor laka association para Saturday din deh 24 hour strike mangi shae aro etu kotom hui nah b doctors kan Sunday din deh off lui shae aro. Country laka doctors kan protest aro candlelight marches kan kuri shae aro non-emergency patients kan keh sab oleh mana kuri shae, 31 sal laka postgraduate student keh murai dia piche deh, August 9 din deh. Women activist para Briths era R.G. Kar Medical college And Hospital deh hua incident tho India laka maike kan keh kinaka suffer kuri ase, etu highlight kure kuri shae, laws kan enforce kuri nah b. “Muil maike baba tho jai jai shae, hoile b crore nishi nah bacha kan mui lokot deh ase itia,” Victim laka baba para reporters kan keh kui shae, Saturday din deh. “Etu para muike takat di shae aro etu para mui kiba ekta pabo kui nah feel kuri ase.” Indian Medical Association, kun laka strike kuto 6a.m. deh kotom huii shae, Sunday din deh, taikan para Prime Minister Narendra Modi keh 60% laka Indian doctors kan tho maike ase kui shae aro hospital staff laka safety tho ensure kuri bo karne tai intervene kuri bole lakeh kui she. “Sob health care professionals kan peaceful ambience safety aro security deserve kureh, workplace deh,” taikan para Modi keh dia lette deh liki shae.