Agencies, 31 August: India laga former President aro Indian politics laga stalwart, Pranab Mukherjee toh Monday (August 310 te last sash loise. Tai laga salt oh 84 thakise. Etu khobor toh tai laga bacha Abhijit Mukherjee para janaideya laga ase. Etu veteran politican toh Army Hospital te treatment nemide jaa te coronavirus positive e powa thakise. Hospital te tai toh demak (brain) te blood clot nemide surgery lowa thakise.
Pranab Mukherjee toh olob din agae para gao ektum thek thaka nai aro tai ke be ventilator support te rakha thakise. Pranab toh Presidential office te 2012 to 2017 sal tak thakise. Tai toh Minister of Finance te 2009 aro 2012 majode thakise aro Minister of Defence (2004-2006), Minister of External Affairs (2006-2009) te thakise.
Pranab Mukherjee toh staunch Congressman thakise. Hoilebe etu para NDA rule laga sal samai te tai laga duties te narokha thakise.
Prime Minister Narendra Modi para par par President Pranab Mukherjee ke kushi powa janaideya thakise kelay koile first term Prime Ministerial office samai te guidance deya nemide.
Pranab Mukherjee toh toh 2008 sal te Padma Vibhushan powa thakise aro 2019 te Bharat Ratna powa thakise.
Add Comment