India landslide para 151 jun keh murai di shae

July 31, 2024: India laka Kerala state deh landslides kan bishi hua piche deh ek hazar nishi nah manu kan keh tho rescue kuri di shae, authorities kan para Wednesday din deh kui shae. Taikan para 151 jun tho muri jai shae kui shae aro manu bishi itia b hari nah ase kui shae. India laka ekta sosbe attractive tourist destination deh pani bishi gira tho landslide kan keh trigger kuri di shae, Tuesday din deh, Etu tho state laka sobse bia disaster taki shae, 2018 laka deadly floods piche deh. Kom seh kom 151 jun muri jai shae aro 187 manu kan hari nah ase itia b, state chief minister spokesman, P.M Manoj para Reuters keh kui shae. Indian army para taikan ek hazar nishi nah manu keh bajai di shae kui shae aro main brige, kuto osor osor town keh connect kuri taki shae, etu bangi jah piche deh ekta alternate bridge bana bole process shuru kuri di shae kui shae.