India manu ase kui nah pose kura Bangladeshi mota keh duri shae, Lucknow airport deh

August 11, 2024: Ekta Bangladeshi mota, kun Indian citizen nishi nah pose kuri taki shae, taike  Lucknow airport keh duri shae ekta fake passport aro Aadhar lokot deh, ekta official para news agency PTI keh kui shae, Saturday din deh. Bangladeshi citizen tho allegedly ekta fake tourist visa lokot deh Thailand deh uri bole koshish kuri taki shae. Enaka kura time deh Lucknow airport deh taka immigration officers kan fraudulent documents ase kui nah jani jai shae. Immigration officers kan para traveler Ashish Rai keh question kuri shae, taila documents upor deh suspicion notice kura piche deh. Taila Aadhar card aro passport tho Singur police station laka Rathtala address keh state shae, West Bengal laka Hoogly district deh. Hoile b immigration officer Rakesh Kumar Yadav para kiba ekta tho gulti ase kui nah feel kuri shae. Question kura tho tai  Shilghata, Chopachhari, Satkania, Chattogram, Bangladesh laka Shimui Barua ase kui nah jani jai shae. Taike Sarojini Nagar police station deh book hui jai shae aro questioning karne custody deh lui jai shae, station-in-charge Shailendra Giri para PTI keh kui shae.