Rajpur, 13 March : Sri Lanka Masters, India Masters, West Indies Masters aru Australia Masters khan inaugural International Masters League laga semi-finals karone qualify kuri lobole parise.
India Masters jun khan points table te second ase aru taikhan laga five league games para eight points pai lobole parise, taikhan first semi-final Thursday te Raipur te khelibo. Taikhan points table te third finish kora team khan logote khelibo.
Sri Lanka Masters jun khan points table te top te ase aru superior Net Run Rate para bhi aage ase, taikhan points table te fourth finish kora team logote second semi-final khelibo Friday te Raipur te.
Points table laga third aru fourth place to clear hobo Australia Masters aru England Masters laga last league game pichete, jun to aji Raipur te khelibo.
Itiya Australia Masters to four points te ase ekta game baki thakise, aru West Indies Masters to six points te ase taikhan laga sob match khelibo pichete.
IML laga final to March 16 te Raipur te khelibo.
Add Comment