Mumbai, 25 February : Sri Lanka Masters upor te dangor suspense pura 4-run laga jitipa pichhe te, India Masters itu Tuesday dina Navi Mumbai te cholithoka International Masters League (IML) te England Masters khan logot kheli thakibo aru duita match jiti lobole aim kuri thakibo.
Old-time laga superstar khan khelibo karone, Mumbai bi ekbar high-octane match laga excited te thaki ase. First match te openers – Ambati Rayudu aru Sachin Tendulkar bi bhal performance dibo nuwari dise, kintu Gurkeerat Singh, Yuvraj Singh, Stuart Binny aru Yusuf Pathan khan milaike India Masters laga score 222/4 loijai dise.
Bowling te, Irfan Pathan best performance di 3 wicket loise, aru Dhawal Kulkarni, Abhimanyu Mithun aru Vinay Kumar khan 2 wicket kuri dise.
Mumbai te, Eoin Morgan laga team karone India laga tough challenge thaki jabole ase.
England Masters karone Darren Maddy aru Phil Mustard laga role bishi important hobo, itu dukhon top te foundation bishi bhal bana bole try kuribo. Ian Bell, Eoin Morgan aru Kevin Pietersen khan middle order te anchor kuri thakibo. Bowling te Tim Bresnan, Monty Panesar aru Dimitri Mascherenas khan ekathhi kuri England Masters ke lead kuribo.
India Masters vs England Masters laga match DY Patil Stadium, Navi Mumbai te Tuesday (February 25) dina kheli jabo. Match 7:30 pm IST te shuru hobo, aru toss 7 pm IST te hobo.
International Masters League 2025 laga official broadcaster Star Sports ase. Star Sports channel khan te 7:30 pm IST pora India Masters vs England Masters laga live telecast thakibo.
India Masters vs England Masters laga live streaming Jiostar te available thakibo.
India Masters: Sachin Tendulkar (c), Gurkeerat Singh Mann, Yuvraj Singh, Ambati Rayudu (wk), Yusuf Pathan, Irfan Pathan, Stuart Binny, Shahbaz Nadeem, Vinay Kumar, Abhimanyu Mithun, Dhawal Kulkarni
England Masters: Eoin Morgan (c), Kevin Pietersen, Phil Mustard (wk), Darren Maddy, Monty Panesar, Ryan Sidebottom, Dimitri Mascherenas, Ian Bell, Stuart Meaker, Tim Bresnan, Steven Finn
Add Comment