New Delhi, November 5 : Ekjun official para koisey ki India aro Nepal laga border ke guard kora sipahi khan para Monday din para New Delhi te 3din laga ekta meeting rakhibole asey aro ek dusra laga desh te jurum kora aro homoi homoitey khufiya jankari share kora tu komti kuribole laga tarika discuss kuribo. Etu duita desh laga majotey saal te ekbar milijulikina kotha kora laga seventh edition tu India laga Sashastra Seema Bal (SSB) laga director general Rashmi Shukla aro Nepal laga Armed Police Force (APF) laga visiting inspector general Raju Aryal para lead kuribole asey. Etu meeting tu November 6 para 8 tak Delhi te hobole asey koisey.
Ekta official statement para enaka koisey, “Etu forces(sipahi) laga duita head laga level te baat chit chuli thaka tu duita forces nimitey bi border logotey jurikina thaka mamla te discuss kuribole nimitey ekta jaruri platform asey.”
Etu statement te koisey, “SSB aro APF laga team khan para India aro Nepal laga khula aro fencing dhalikina nathaka border ke aro bisi bhal para manage kuribole nimitey etu duita desh laga border ke guard kora sipahi khan laga majotey milijulikina kaam kora tu aro majboot banabole aim kuri asey.”
SSB tu Union Home Ministry laga under te thaka central armed police force asey aro taikhan laga kaam tu 1,751 km India-Nepal open(khula khuli) International border ke guard kuribole laga asey. India aro Nepal laga majotey saal te ekbar enaka baat-chit kora tu 2012 para chuli asey.
Add Comment