New Delhi, November 6 : India aro Nepal laga border guard kora forces khan para Monday din te suru huwa 3 din laga annual meeting te “mutual mamla” laga discussion kurisey.
Ekjun official para koisey ki November 6 aro November 8 laga majotey rakha, 7th India-Nepal Coordination Meeting para alag mamla majotey ek dusra laga desh te jurm kora tu kom kuribole aro homoi homoitey khufiya jankari share kora laga tarika discuss kuribo.
Etu duita desh laga majotey annual coordination baatchit laga seventh edition ke India laga Sashastra Seema Bal (SSB) Director General Rashmi Shukla aro Nepal laga Armed Police Force (APF) laga visiting inspector general Raju Aryal para lead kuribole asey.
SSB headquarter te huwa etu meeting laga first din te Nepal laga APF laga visiting inspector general Raju Aryal para para lead kora 9jun member laga ekta team para attend kurisey.
SSB para kuwa hisap te, “meeting te mutual mamla te discussion rakhisey”- 2012 para India aro Nepal te pala pali rakhi thaka annual talks(saal te ekbar baat-chit kora) .
Etu saal te ekbar lok kora tu jaruri asey kilemaney SSB aro APF laga head khan para border logotey jurikina thaka mamla khan te discussion korey kuntu te trans-border jurm aro khufiya jankari share kora nisna mamla bi shamil asey. Etu meeting para etu duita desh laga border guard kora forces khan laga majotey milijulikina kaam kora tu aro majboot banaidibole modod korey taki fencing nathaka India-Nepal border ke aro bisi bhal para manage kuribole paribo.
India aro Nepal laga border guard kora forces khan laga majotey akhri meeting tu September 2022 te Kathmandu te rakhisiley.
Add Comment