NEW DELHI: India NGARM naam laga notun indigenous akash laga missile tests kurishe koishe. Etu missile toh mati te thaka alak alak dusman laga surveillance aro radar targets te khotom kuri dibole nimite ase. Etu missile toh Sukhoi-30MKI fighter para fire kure.
Etu New-Generation Anti-Radiation Missile (NGARM) toh 100 km genika laga strike range ase. Etu toh DRDO para bana laga pahela indigenous akash para mati te mara missile ase. Etu missile toh Russia logote melai kena bana laga supersonic BrahMos cruise missile pichete ase. January 18 te missile toh Sukhoi-30MKI para tests kurishe koishe. Etu toh Balasore laga integrated test range para kurishe. Sob systems logote missile toh bhal para he kaam kurishe. Aro Bay of Bengal te tai laga designated target ke ekdam ucha degree laga accuracy para marishe.
Source koishe NGARM toh Sukhois para ke altitudes aro velocities para bhi mari bole pare.
Thursday te kura dusra tests te DRDO aro Navy meli kena dusra test kurishe. Etu test toh Barak long-range surface-to-air missile (LR-SAM) system laga kurishe. Etu toh DRDO logote Israeli Aerospace Industries aro Chennai INS laga destroyer Rafael para meli kena banaishe.
Add Comment