New Delhi, January 16, 2026: Lakshya Sen toh India laga last khelare hoi she Singles te, India Open Super 750 badminton competition te. Tai toh quarter finals te punche jai she. Alak India khelarea khan toh hare jai she second round para.
Dunia laga No. 3 Chirag Shetty aro Satwiksairaj Rankireddy toh hare jai she, Japanese laga Hiroki Midorikawa aro Kyohei Yamashita laga hath para. Tai jun 25-27, 23-21, 21-19 para hare jai she koishe. Hoile be utu din laga show stealer toh, Treesa Jolly aro Gayatri Gopichand khan No. 8 Chinese laga Yi Jing Li aro Xu Min Luo laga match toh thake she. Tressa aro Gayatri toh Chinese laga khelare ke dekai kena jai thake she, hoi le be 20-22, 24-22, 23-21 para hare jai she. Match toh ek ganda aro 23 minute karne khele she koishe, etu match toh etu tournament laga sob se lamba match thake she koishe.
Sen toh 2022 laga winner thake she, tai Japan laga Kenta Nishimoto ke 21-19, 21-10 para harai de she. Tai aha match te Taiwan laga Chun- Yi Lin logo te khele bole ase koishe.
Add Comment