New Delhi: Indai para Afghanistan te sugar export kori thaka toh rokina ase koishe. India merchants khan para orders toh cancel kora nemite aro etu toh itya laga halat beya jai thaka para ase, koikena Wednesday din senior government official para khobor toh janaishe. Jowa moina Taliban para Afghanistan te government hataikena desh toh control kori ase. India para sugar exports kori thaka tinta(3) jaga pithor te Afghanistan toh be ekta ase aro hotai saal India para 6,00,000-7,00,000 tonne neshina Afghanistan logot export kori ase. Etu moina dak te 2020-21 season nemite 6,50,000 tonne sugar toh exported korikena ase, koikena trade data hesab te khobor paishe. Sugar laga season toh October moina para loikena September moina dak ase koishe. “ami khan laga sugar Afghanistan te export kori thaka toh itya laga halat beya howa nemite besi affected hoikena ase. Konuba orders toh cancelled hoishe,” koikena Food Ministry laga Joint Secretary, Subodh Kumar Singh para PTI logot janaishe. Hoilebi Afghanistan te sugar exports toh next season para toh notun sokar pithor te puila neshina normal hoi jabo, tai para janaishe. Taliban fighters, kaun khan ke Afghanistan te US-led forces para 2001 saal te hataishe, tai khan aro wabas ahikena Afghanistan laga jaga besi te control korikena jai ase koishe. Itya dak te India-Afghanistan trade policy te eku putli hoikena nai. India toh Brazil beche te 2nd sobse tangor sugar bona desh ase, itya dak te India para 2020-21 season samai 6 million tone sugar exported korikena ase. India te sugar bona toh hesab korile 2020-21 season samai 31 million tone neshina ase koishe.
India para Afghanistan te sugar export rokaikena ase
Add Comment