India para Asia Pacific Padel Cup dey bronze luishey

Mumbai, 24 September : Padel karney India laga first-ever international team para Asia Pacific Padel Cup laga first edition dey third place secure kurishey, kuntu Bali, Indonesia dey, September 19 para 22 tak khilishey, Indian Padel Academy para Monday dey janai dishey. Itu event toh first-ever padel competition asey nations maju dey, Asia Pacific region dey.Itu Indian team, Indian Padel Academy para select kurina, Malaysia ke bronze medal match dey 3-0 haraishey, Philippines aro Indonesia laga piche dey six-nation event khotom huwoley. Participate kuria alaga desh toh China aro Singapore thakishey.Padel, padel tennis kuina bhi madey, Mexican origin laga ektq racket sport asey kuntu ekta enclosed court dey khiley, squash nishna, ekta doubles tennis court logot olob para chutu. Each match, tuita teams maju dey khilina, solid, stringless bats aro balls logot doubles matches thakey kuntu normal tennis balls nishna dikhey. Each khel dey ball serve kurina shuru hui, kuntu waist level nahuiley niche dey thakibo lagey.