Hong Kong, 21 October : Indian athletes Hong Kong Golf Club laga picturesque course te dominate kuri Sunday din Asian Cross Country Championships te 7 gold medals jiti le, tinita individual category te bi gold paise.
Elite Indian athletes season laga prothom continental cross country event te 11 medals loi lusi, juntu bitorte 3 silver aru 1 bronze individual category te ase.
India sob char team category te gold medal jiti le – men, mahila, men U20, aru mahila U20.
Mota laga individual 10km event te clean sweep kurise, juntu te Indian female athletes bi 10km race-te gold aru silver loi lusi, kintu bronze miss hoise.
Asian Games medallist aru 5,000m aru 10,000m national record holder Gulveer Singh men’s 10km race-te 32:43 timing pora gold medal loi le. Abhishek Pal 32:49 timing pora second place te thakise, aru Arun Rathod 32:51 timing pora third finish kurise. Kartik Kumar choutha place te finish kurise.
India laga Seema 37:20 timing pora compatriot Sanjivani Jadhav ke narrowly harai gold jiti le. Sanjivani bhi same timing-te 37:20 finish kuri silver te settle kurise.
Add Comment