Dehradun, 16 August : Pothom bar India host kuribo jabo dangor international winter sports event. Asian Open Short Track Speed Skating Trophy 2025 organize kora jabo 20 pora 23 August 2025 tak, Maharana Pratap Sports College, Raipur, Dehradun te.
ISAI laga President, Amitabh Sharma janai dise ki 11 pora besi Asian desh itu historic competition te participate kuribo. Itu majot ase China, Japan, Hong Kong, Indonesia, Singapore, Thailand, Chinese Taipei, Vietnam, Malaysia, Philippines aru India. Athletes taikan laga skills showcase kuribo 9 alag-alag event majot, juntu 222-meter sprint pora shuru kuri 5000-meter relay tak hobo.
Add Comment