Agencies, 24 April: India para Chinese nationals ke tourist visas deya bondh/suspend korise. Etu khobor toh global airlines body IATA para member carriers ke April 20 te koise. India para China logote 22,000 nesana Indian students khan Chinese universities te enrolled/register howa aro tai khan physical classes nemite korai jabole napara opor te koise. Hoilebe neighbouring desh para etiya tak tai khan ke kushibole mana nai.
Etu students toh China te tai khan laga studies te charibole ola thakise aro India te ahibole ola thakise. Etu toh 2022 te Covid-19 pandemic suru samai te thakise.
April 20 te India opor te ekta circular deya te, International Air Transport Association (IATA) para China laga national (People’s Republic) ke visas deya toh valid nathaka hoise koise.
India te kushibole passengers khan toh: Bhutan, India, Maldives aro Nepal para, India para residence permit deya passengers; India para deya visa nahoile e-visa logote; overseas citizen of India (OCI) card or booklet logote, person of Indian origin (PIO) card logote aro ekta diplomatic passport logote passenger khan kushibole paribo koise.
IATA para be 10 saal laga validaty logote tourist visas toh valid nathaka hoise koise. IATA toh 290 members logote ekta global airlines body ase koise aro etu te 80 percent opor global air traffic meli kena ase koise.
Add Comment