India para citizens kan keh napi rabi kui shae, Bangladesh deh

July 18, 2024: Thursday din deh India para Bangladesh deh taka taikan laka citizens kan keh napi rabi kui shae, violent protest deh choi jun muri jah piche deh. Protest tho quotas laka upor deh taki shae, government kam deh. Advisory tho Indian high commission para issue kuri shae, Dhaka deh. Advisory tho issue nakura time deh, protest kan Bangladesh laka cities kan deh spread hui nah taki shae aro violent hui nah taki shae. Wednesday din deh Bangladesh government schools aro universities kan bon kuri bole order di shae, protests kan tho students para spearhead kura time deh. “Bangladesh laka situation keh sai nah, Indian community members aro Indian students kan, kun Bangladesh deh bui ase, taikan keh travel nakuri b kui nah advise di ase,” advisory para kui shae. Indian citizens kan keh, Dhaka deh taka high commission nahoileh Chittagong, Khulna, Rajshahi aro Sylhet deh taka assistant high commissions keh contact kuri b kui nah advise deh nah ase, taikan assistance lakeh kui leh tho. Official figures laka isap deh, Bangladesh deh 10,000 nishi nah Indian students kan ase, tateh students aro professionals kan b ase. Protest tho ektq quota system keh kotom kuri bole karne mangi ase, kuto para atha laka upor civil service jobs kan specific group karne reserve kureh deh.