Ahmedabad, 9 March : India national cricket team history create kori dise ICC Men’s T20 World Cup te, New Zealand national cricket team ke 96 runs pora haraise Sunday din Narendra Modi Stadium, Ahmedabad te. 86,824 fans laga samne India men’s T20 World Cup title retain kori dise aru record third bar trophy jiti loise.
India laga victory te main role play korise Jasprit Bumrah, juntu 4/15 figure loina New Zealand batting line-up ke bhangi dise. Batting te Sanju Samson 46 ball te explosive 89 run mari dise (5 fours, 8 sixes), juntu India ke 255/5 tak loise — T20 World Cup final history te highest total.
Abhishek Sharma bhi fast start dise 21 ball te 52 run, aru Ishan Kishan 25 ball te 54 run add korise. Samson aru Abhishek mila 98-run opening partnership bonai dise. Pichete Shivam Dube 8 ball te unbeaten 26 run mari India ke 250 cross Kori dise.
New Zealand bowling side te James Neesham ek over te 3 wicket loi ekta pressure diya try korise, kintu India already strong position te thakise.
Chase te New Zealand 159 all out (19 overs) hoigole. Khali Tim Seifert 52 run loi fight kori thakise, aru Mitchell Santner 43 run add korise. India bowling te Axar Patel 3/27 figure loi important support dise Bumrah ke.
Etu win logote Suryakumar Yadav India laga fourth captain hoise juntu men’s cricket World Cup title jiti dise. Head coach Gautam Gambhir bhi tar second ICC title paise.
Etu victory India karone aru ekta important milestone ase — New Zealand biruddhe T20 World Cup te first win aru Ahmedabad te ICC white-ball tournament te first triumph bhi.
Add Comment