Johor, 17 October : India team today Malaysia te host kora Sultan of Johor Cup Men’s Hockey tournament laga final pool-stage match te Malaysia ke 2-1 score te harai kene final te reach kori se. India laga team shuru pora he attack te thaki kene Malaysia uporte pressure di thaki se. Malaysia bhi nijor attack barai thaki se, kintu India laga defence bhal pora hold kori thaki se. First quarter khotom hoi jabole, duita team score 0-0 te lock thaki jaise.
Second quarter te, Gurjot Singh laga 22 minute te goal dikhai kene India half time te 1-0 lead loi jaise. Malaysia laga goal Naaveenesh Panicker pora 43 minute te score kori thaki se, kintu paanch minute piche, Sourabh Anand Kushwaha India laga penalty corner convert kori kene win confirm kori loise aru final te Australia laga khilaf match kheli bole set up kori loise.
Add Comment