Nagpur, 22 January : Men’s Cricket te, India kali rati Vidarbha Cricket Association Stadium, Nagpur te five-match T20I series laga first T-20 te New Zealand ke 48 runs te harai dise.
Itu jit logot, Men in Blue five-match T20I series te Black Caps laga khilaf 1-0 lead loi dise.
India diya 239 runs laga target chase kori, New Zealand 20 overs bhitor te matro 7 wickets te 190 runs he kori parise.
Visitors laga sabse besi run scorer Glenn Phillips asile, tai 40 balls te 78 runs kori dise.
Hosts laga hisab te, Varun Chakaravarthy aru Shivam Dube ekta-ekta wicket loi dise, aru Arshdeep Singh, Hardik Pandya aru Axar Patel bhi ekta-ekta wicket claim kori dise.
Age visitors toss jitina first fielding koribo faisla loise. Batting koribo ahise, opener Abhishek Sharma laga zabardast innings — tai 84 runs kori dise — aru Hardik Pandya, Rinku Singh aru captain Suryakumar Yadav laga important contributions logot Team India 20 overs te 7 wickets loss te dangor 238 runs score kori dise. Abhishek Sharma ke Player of the Match ghoshona kori dise.
Visitors laga phal te, Jacob Duffy aru Kyle Jamieson duita-duita wicket loi dise, aru Kristian Clarke, Ish Sodhi aru Mitchell Santner ekta-ekta wicket loi dise.
Five-match series laga second T-20 kali Shaheed Veer Narayan Singh International Stadium, Raipur te khela hobo. Match rati 7 baje shuru hobo.
Add Comment