Agencies, 03 October: China logode border chamela thaki-thaka samai te, India para Saturday din nuclear-capable Shaurya missile laga notun version toh Odisha laga coast te kamiyaab hoikena test korise. Etu missile para 800 kms nesana targets te maribole paribo koise. Etu notun versions toh strategic forces te thaki thaka missiles te melabo koise. Etu khobor toh top government sources para janaideya laga ase.
Sources koise, etu missile toh thaki thaka tusara missile para be jolibo nemide halka aro sosta hobo. Aro koise, last phase te target te jai thaka samai te missile toh hypersonic speeds te jaa thakise.
Defence Research and Development Organisation (DRDO) toh strategic missiles te pura self-reliance nemide kaam kori ase aro tai khan laga kosish phal korise. Etu toh Prime Minister Narendra Modi para etu sal defence sector te Aatmanirbhar Bharat kowa bechide ase.
India para be ektum kamiyaab hoikena BrahMos supersonic cruise missile test korise. Etu missile 400 km opor targets te manibole paribo aro etu toh agae laga missile para komti hoilebe 100 kms besi ase.
Add Comment