India para Oman ke haraina CAFA Nations Cup 2025 te Bronze loise

Tajikistan, 9 September : Football te, India Oman ke harai kene CAFA Nations Cup 2025 te bronze medal jiti loise Hisor Central Stadium, Tajikistan te third place finish kori kene. Match 1-1 te finish hoise regulation time te, kutey Udanta Singh India laga equaliser score kori dise. Penalty shoot-out te Oman laga first duita chance miss hoise, aru Gurpreet Singh Sandhu last penalty save kori dise aru India 3-2 te jiti loise. Itu hoise agey bar ki India Oman ke international football match te haraise, aru itu bhi India laga campaign te ekta historic finish hoise.