New Delhi: Russia laga Covid vaccine Sputnik V toh India’s drug regulator – Drugs Controller General of India (DCGI) para emergency samai jolaboli manishe. India te bemari cases besi otha nemite, Sputnik V toh tinta(3) wala coronavirus vaccine ase koikena drug regulator para manishe. Tuita(2) vaccines- Serum Institute of India laga Covishield aro Bharat Biotech laga Covaxin vaccines toh January moina te jalaboli nemite manikena ase. Russian Direct Investment Fund or RDIF (Russia’s sovereign wealth fund) para statement te koishe ke, etu vaccine jolaboli mania te India toh 60th country hoishe. RDIF para duniyaa te 5 pharmaceutical firms logot agreements bonaishe- Gland Pharma, Hetero Biopharma, Panacea Biotec, Stelis Biopharma, Virchow Biotech ase aro etu khan para ek saal pithor te 850 million doses bonaboli bapana te ase koishe. Hoilebi tawai toh limited te April moina te bonaboli soruh koribo koishe. “government regulators para mana hesab te Sputnik V toh duniyaa pura te coronavirus vaccines ola pithor te second rank te ase. “duniyaa pura te coronavirus vaccines pithor te Sputnik V toh 2nd rank te ase aro etu vaccine toh government regulators para manishe,” koikena statement te koishe. India te Dr Reddy para bona ase aro etu vaccine laga effective toh 91.6 per cent ase Moderna aro Pfizer shots bechete. Dr Reddy para February 19 darik te vaccine toh emergency samai jalaboli manishe aro etu samai India te phase 3 clinical trials te thakishe. Etu vaccine toh Central Drugs Standard Control Organization laga Subject Expert Committee (SEC) para Monday din te jolaboli manishe. Duniyaa te India para sobse tangor vaccine toh January 16 darik te jola soruh korishe aro itya dak te 10 crore neshina doses toh luikena ase. Hoilebi, desh laga jaga besi te aro notun Covid wave nemite larai kori ase aro state government para koishe ke, vaccine stocks te nathaka nemite vaccine toh komti jai ase. Itya dak India te sob melaikena bemari cases toh 1.36 crore neshina ase aro duniyaa pura te India toh 2nd besi wala te United States beche te ase. Sputnik V toh Covid virus komjur jag ate kam kori ase aro etu para body te immune jawab toh bhal ase. India te Sputnik V trials toh 18 para loikena 99 umer pithor te 1,600 manuh logot thikena ase. Dr Reddy para Russian Direct Investment Fund (RDIF) logot jowa saal September moina te partner hoikena trials jai ase koikena khobor para janaishe.
Add Comment