Ranchi, 27 October : India laga strong performance continue kori ase, South Asian Athletics Championships 2025 te, Birsa Munda Athletics Stadium, Morabadi, Ranchi te, total 18 ta medal add korise. Host India Saturday te 7 gold, 8 silver aru 3 bronze jitise, aru etiya total medal tally 32 pounchi jaise.
Sri Lanka bhi dangor competition form te ase, 8 gold aru total 23 medal loise, kitia ki Nepal etiya digha te ase, only 3 bronze loise championship te.
Women’s 100m hurdles te India laga Nandhini K 13.56 seconds time te gold jitise, aru usorte laga Moumita Mondal silver loi jaise. Sri Lanka laga Wijewera Vitha bronze loina finish korise.
Men’s 110m hurdles te India laga Manav R 13.78 seconds time te gold loi jaise. Sri Lanka laga Ranatungage Roshan silver loise aru India laga Krishik M bronze loise. India laga Sanjana Singh bhi golden form continue kori thaki ase, aru women’s 1500m final te 4:25.36 seconds time te nijor dusra gold medal jitise. Sri Lanka laga W.K.L. Arachch Nimali second te finish korise aru India laga Kajal Kanwade bronze loise.
Men’s 1500m final te India laga Arjun Waskale 3:54.58 seconds time te gold loise, aru Sri Lanka laga Gallage Rusiru Chath aru Rojideen Mohamathu duita second aru third te finish korise. Women’s 400m te India laga Neeru Pathak gold loi se 53.15 seconds time te, aru usorte laga Olimba Steffi silver loi se. Sri Lanka laga Mendis Balapuwa Sayu bronze loise.
Women’s discus throw te India pura dominate korise — Seema 55.14 meter throw kori gold loise, Nidhi silver loise, aru Sri Lanka laga Asgiriye Gedara Vinod bronze loise. Men’s discus throw te India laga Kirpal Singh golden streak continue korise, best throw 56.22 meter kori. Usorte laga Nirbhay Singh silver loi se aru Sri Lanka laga W.D.M. Milant Sampat bronze loise.
Men’s high jump title Sri Lanka laga A. Samaraweera loise (2.17m), aru India laga Rohit (2.15m) aru Aadarsh Ram (2.09m) respective silver aru bronze loise.
Add Comment