Tamil Nadu, 3 December : Men’s Hockey te, India Switzerland ke 5-nil te harai dise FIH Junior Hockey World Cup 2025 laga quarterfinals te qualify kuri loi shey, Madurai International Hockey Stadium, Tamil Nadu te. Manmeet, Sharda Nand Tiwari aru Arshdeep Singh India karone goal score kuri dise. Hosts Pool B te top te finish kuri shey, tinita game pora nine points loina. Sharda Nand Player of the Match award bhi paise.
Rohit laga captaincy te India etiyaa Friday te Chennai te Belgium birokh te quarterfinals te khelibo. Hosts round-robin phase te ekbar bhi har nai. India Junior Hockey World Cup dui bar jitise, aru last bar 2016 te jiti thaki shey.
Women’s Hockey te, India aji sonde te Germany birokh te nijor second pool match khelibo FIH Junior Hockey World Cup 2025, Santiago, Chile te. Match 7:45 PM te shuru hobo. Monday te India nijor campaign khub dangor performance te shuru kuri shey, Namibia ke 13-nil te harai dise, junte Hina Bano aru Kanika Siwach duijon hat-trick score kuri shey.
Jyoti Singh laga leadership te Indian team Pool C te ase, Germany, Ireland aru Namibia laga logot. India etiyaa nijor pool te points table te top te ase. Itu pichete, Germany Monday te nijor first pool match te Ireland ke 7-1 te harai dise.
Add Comment